La vivo estas kiel surmara vojaĝo:

               Estas tagoj de kvieto

               Kaj estas tagoj de tempesto.

               La plej grava estas

               Konduti sin kiel bona ŝipmastro.

Ĉu universo celas al io ? La demando de ĉiam tiklas la cerbon de Hubert Reeves.

Post la akcepto de kreado de Dio kaj la aserto de Voltaire: ne estas horloĝo sen horloĝisto, li stumblas pro la Darvina tezo: ne estas celo en la naturo. Bergson helpas per la nocio de " vitala impeto". Lia studado en fiziko kondukas lin al "obskura volo". Fine, li nun gardas la aserton de Freeman Disan (Angla):

          Universo ie sciis, ke ni estis alvenontaj.

Laŭ li, la aserto estas kontentiga, ĉar ĝi implikas estaĵon eksteran, ne atingeblan de ni...almenaŭ ne ankoraŭ...

La vivo estas fascina !

Sufiĉas, ke ĝin ni rigardu

Per bonaj okulvitroj.

                                                                     Alejandro Dumas

     "  Ci demandas kial

         Mi aĉetas rizon kaj florojn ?

         Mi aĉetas rizon por vivi

         Kaj florojn por, ke mi emu vivi.

                                                                              Konfuceo.

    "  Ĉiu tago estas eta vivo"

                                                                              Horaco.

Por la ŝatantoj de bona literaturo, kiel ne rekomandi " La vojaĝo ĝis noktofino", tradukon de mondfama franca verko. Legu kaj ĝuu !

Novan, pli rapidan servilon por Esperanto-TV!

Esperanto-TV, ETV, estas projekto por distribui altkvalitajn Esperantajn filmojn per moderna interreta teknologio. La projekto startis en aprilo 2014, ekde tiam produktis kaj distribuis multajn filmojn (averaĝe ĉirkaŭ 30 minutojn ĉiutage). La elsendoj estas atingeblaj en senstopa reĝimo ĉe http://www.esperantotv.net, kie estas deponataj kaj spekteblaj ankaŭ la antaŭaj filmoj.

Esperanto-TV petas vian helpon

La nuna, unua, enkonduka fazo de la projekto sukcesis, fakte ĝi jam ricevas kunlaboraĵojn de la tuta mondo kaj la kanalo estas pli kaj pli konata. Tiu fazo estas ankoraŭ youtube-stila, por ebligi la spektantojn ĝui la programaron sen problemoj de elsendo aŭ tempo.

En la dua fazo ETV iĝos la vera servo, pro la ebleco rekte elsendi materialojn kaj gravajn eventojn, kiel ekzemple naciajn kaj internaciajn kongresojn. - En la dua fazo, fakte, la televid-kanalo estos elsendata per tre rapida Interreto kun IPTV-teknologio, spektebla ne nur per komputilo sed ankaŭ per novaj televidaparatoj kaj poŝtelefonoj. La tria fazo celas resume instingi la kreskon de la Esperanto-filmindustrio kaj kinarto.

La unua fazo estis atingita per la propraj fortoj de la skipo, sed la sekva fazo ne estas same atingebla pro pli pezaj kostoj - kaj la skipo de ETV turnas sin al vi kun peto de helpo akiri propran servilon - anstataŭ la ĝis nun luata malnova aparato.

Detaloj ĉe la alvoko estas legeblaj ĉe:
https://www.indiegogo.com/projects/servilo-por-esperanto-tv-server-for-esperanto-tv

Dankon pro via helpo kaj kontribuo.

------
Lingvo-Studio, L.S.
www.eventoj.hu

_______________________________________________ 
                        Ĉe plusendo de la mesago bv. nepre mencii la fonton: Ret-Info / Lingvo-Studio

En 1929, Lanti eldonigis tradukon de tri verkoj de Voltaire, la mondfama franca verkisto. Jen kelkaj frazoj el la antaŭparolo, kiuj emfazas la celon de la tradukinto.

" Malgraŭ tio, ke la scienco kaj tekniko faris grandegan progreson, la racio tamen ne multe penetris en la cerbojn de la popolamaso. Se la religia fanatikemo perdis iom da forto kaj akro en kelkaj mondpartoj, tie stariĝis aliaj ne malpli danĝeraj kaj detruaj: la naciismo, rasismo, faŝismo, partieca fanatiko ne faras nuntempe malpli da viktimoj ol la " Sankta Inkvizicio"...

Kion li dirus hodiaŭ ?

                                             Diru al mi kial.

Infano disŝirita per obusaj splitoj

Provas vidi tra sango kaj larmoj

La vizaĝon de tiuj, kiuj aŭdacis kaj povis

Uzi siajn armilojn kontraŭ senkulpaj viktimoj.

                 Li estas  ĉirkaŭita per hordo de agresemaj plenkreskuloj

                 Sen humaneco, plenaj je venĝemo

                 La mano ĉe la pafkliko, kun senesprima vizaĝo

                 Ekzekuciante senkulpulojn je ĉia malakordo.

Ili atendas, ke li mortu; ili ploras kaj entombigas lin

Rigardas unu al la alia kaj serĉas alian malakordon

Nesentemaj al la gepatraj doloroj

Kaj foriras dissemi malfeliĉon kaj morton.

                          La infano, la sango ankoraŭ varma, en sia tombo

                          Ankoraŭ demandas sin kaj volas kompreni

                          Kial nek sia olivarba branĉeto, nek sia kolombo,

                          Nek Dio, nek diabloj ne ĉeestis por lin defendi.

Ayad  lemhouer.     -   Montaigu tradukis.

Libera folio proponas al ni humuran desegnaĵon de Irananaj Kamaradoj. Kompense mi liveras al ili tri iranajn proverbojn, kiujn mi ŝatas:

Ebrieco de juneco pli forta ol ebrieco de vino.

Kaŝado en aferoj simile al alojo en mono: iomete da necesas, tro da senkreditigas.

Pli bone esti katenigita proksime al la amat(in)o

Ol esti libera meze de ĝardenoj proksime al la malamat(in)o.

En lia verko " Tero de la homoj", la mondfama franca verkisto, Saint-Exupéry, rakontas aviadistan sperton. Kraŝita meze de Saharo, forkonsumitaj la nutraĵoj kaj la akvo, la aventuristo meditas pri la vivo....