NI LAVIS LA BARBON DE ZAMENHOF - KAJ ANKAŬ LA MEMORŜTONON

En la jaro 1966 okazis Universala Kongreso en Budapeŝto. Enkadre de ĝi estis inaŭgurita "Esperanto Parko" ĉe la piliero de la ponto Erzsébet, kiu estis trovebla dum longa tempo eĉ per tiu nomo sur la mapoj de la urbo. La tiama urbestro mem inaŭguris la Parkon, kie estis trovebla ankaŭ Esperanto-fontano kun ĉ. 5 metra diametro, iu memorŝtono kun alto 70 cm-oj, kaj statuo de Zamenhof.

La fontano jam antaŭlonge paneis, sed la Esperanto-memorŝtono kaj la statuo havas regulajn turistajn vizitantojn, kaj ankaŭ mi mem ofte haltadas ĉi tie dum urborigardaj ekskursoj kun esperantistaj grupoj.

Dum la la preterpasantaj jardekoj al la ŝtono kaj statuo algluiĝis amaso de polvo, malpuraĵo - kaj lastatempe ni jam hontis pro ilia aĉa aspekto antaŭ la eksterlandaj vizitantoj. Pro tio kun kelkaj volontuloj de la Fondaĵo Eszperantó ni decidis, ke ni alportos kelkajn viŝ-broŝojn, purigenzojn kaj akvon, kaj ni lavos la barbon de Zamenhof - kaj kompreneble la tutan statuon kaj ankaŭ la memorŝtonon.

Kelkaj fotoj pri la puriga kampanjo: https://www.facebook.com/media/set/?set=a.984656868330334.1073741849.117145901748106&type=1&l=9dbe0c309d

Sur la fotoj estas videble, kia estis kaj kia iĝis la memorŝtono post la puriga proceso. Ni sukcesis forigi 25-30 jaran malpuraĵon de la pasinta 50 jara historio, sed restis ankoraŭ 20 jaroj por la sekva printempo...

Dankojn al la volontuloj de Fondaĵo Eszperantó en Hungario!

Szilvási László