Germana Esperanto-Asocio - Filio por Klerigado kaj Kulturo, 37412 Herzberg am Harz...la Esperanto-urbo
Germana Esperanto-Centro / Interkultura Centro Herzberg, DE-37412 Herzberg am Harz...la Esperanto-urbo

Tel. 05521-5983     E-mail: esperanto-zentrum@web.de         23.12.2013

Fervojisto kaj elstara esperantisto   Joachim  Gießner  (23.11.1913 nask. en Dresdeno  -  25.11.2003)

Saluton!

Nepre ni devas informi vin pri eksterordinara Esperanto-pioniro, nome Joachim Gießner, kiu vivis kaj aktivadis dum preskau 40 jaroj en Herzberg (nun nomigxas Herzberg am Harz...la Esperanto-urbo).

A) Ni nur volas iom skizi la agadojn de eksterordinara multtalentulo kaj senpauza Esperanto-aktivulo:

1. Joachim Gießner komencis krei modelan terminologion por la fervoja brancho.

2. Organizis grandajn ekspoziciojn, kursojn, multajn en-  kaj eksterlandajn kongresojn kaj seminariojn.

3. Eldonis gazetojn por E-fervojistoj, ellaboris multajn fakprelegojn.

4. Tradukis i.a. la libron "La lastaj infanoj de Oldrovalo" kaj kuntradukis "La Fratoj Leonkoro"

5. Tradukis (bonkvalite) kelkcent muzikverkojn el multaj lingvoj kaj diversaj muzikgxenroj. Krome li tradukis nemalmultajn poemojn.

6. En Brunsvigo li kreis Esperanto-Filmstudion.

7. Li eldonis nemalmultajn muzikdiskojn, ekz. ankau kelkajn kompaktdiskojn kun cxehxaj kaj germanaj gekantistoj.

8. Publike li konstante varbis por Esperanto kaj verkis amasojn da gazetartikoloj, ekz. ankau en nacilingvaj fervojistaj gazetoj.

9. Cx. 1970 li komencis eksterordinaran projekton kun la fama austra muzikisto Udo Jürgens. Bedaurinde oni ne atingis la minimuman mendokvanton por eldoni la muzikdiskojn, kaj oni ne povis realigi la bonan ideon.

10. Joachim Gießner ec eklernis la turkan lingvon kaj verkis lernolibron por turkoj (surbaze de la lernolibro "Wir lernen Esperanto" de la fratoj Wingen). Cx. la jaro 1970 li instruis dum la someraj periodoj  Esperanton en fora Anatolio (Turkio). Li diris, ke li havis kelkcent partoprenantojn.

B) I.a. li ricevis la FISAIC-medalon, la Federacian Meritkrucon  kaj la  Oran Madonon  de Germana Esperanto-Centro.

En la jaro 2007 ni inauguris la Joachim-Gießner-Memorejon sur la nuna Esperanto-Placo cxe la stacidomo. Dum la IFEF-Kongreso en Majo 2012 nia urbestro Gerhard Walter  ekz. kune kun IFEF-prezidantino  Rodica Todor inauguris la "Joachim-Gießner-Weg"

(Joachim Gießner-Vojo) inter la cxefstacidomo kaj Esperanto-Placo.

C) Interkultura Centro Herzberg / Germana Esperanto-Centro ne forgesos Joachim Gießner

1. En la 13a kaj 14a de decembro 2013 ni organizis memorseminarion en ICH.

2. Ni eldonis belegan artistan memormedalon, baldau vi vidos gxin!

3. Je fino de februaro 2014 (versxajne 27a de februaro) ni inauguros specialan ekspozicion sur la Esperanto-platformo en la Kastela Muzeo de Herzberg.

4. Magdalena Feificova, Zsofia Korody kaj Petro Zilvar preparas nun dulingvan memorlibron pri la varia vivo de Joachim Gießner.

Eble ni ec eldonos memordiskon kun multaj interesaj fotoj.

5. En ICH ni havas apartan "Joachim Gießner-arkivon" kaj kolektas cxiujn materialojn ril. al Joachim Gießner kaj IFEF-kongresoj.

(Pluaj materialoj estas bonvenaj).

Bonvenon en Herzberg am Harz...la Esperanto-urbo.

Amike  kaj samideane salutas  (iom antau Kristnasko 2013)

Petro Zilvar     Zsofia Korody    Magdalena Feificova     Harald Mantz