MIA NORMANDIO
-=-=-=-=-=-=-=-=-=-=-=
1a strofo
Je renaskiĝo de l'espero,
kaj kiam vintro estas for,
franca dolĉo de aero,
dum brilas la sunluma or'
Dum reverdiĝas la naturo
kaj de hirund' reĝojas kri'
Min logas mia Normandio,
en tiu lando ja naskiĝis mi.

2a strofo
Mi vidis monton Helvetian
kun lignodom' kaj glaciar'
kaj la pejzaĝon italian,
kun bark' sur Venicia mar'
Al ĉiu hejmo, jen saluto!
Neniu ĝin meritas pli
ol mia bela Normandio,
En tiu lando ja naskiĝis mi

3a strofo
Dum vivo venas la momento
En kiu revo flugas for
kaj la animo en silento,
dediĉas sin al rememor'
Se tiam mia laca muzo
amkantojn lasas for de si,
Reiros mi al Normandio:
tiu lando ja naskiĝis mi

Frederic Berat
Tradukis : L. Thevenin